តោះ! មកលេងស្ទាយ Launcher 3D នៅលើស្មាតហ្វូន Android ទាំងអស់គ្នា!
ជាទូទៅអ្នកប្រើប្រាស់ iOS7 ទំាងអស់ចាំបាច់ត្រូវ jailbreak ដើម្បីធ្វើការតម្លើង Tweak និង Theme ផ្សេងៗពីក្នុង Cydia ប៉ុន្ដែបើយើងងាកមកមើលអ្នកប្រើប្រាស់ Android វិញ មានភាពងាយស្រួលជាង ទាំងការផ្ទេរទិន្នន័យ ឯកសារផ្សេងៗ និងតម្លើងកម្មវិធីផ្សេងៗ គឺមិនត្រូវការ jailbreak ដូចពពួក iOS ឡើយ។
ជាមួយគ្នានេះដែរ ខេមបូចង់ណែនាំ Launcher សម្រាប់ស្មាតហ្វូន Android ម្យ៉ាងដែលមានការច្នៃប្រឌិតខ្ពស់គួរអោយចង់ប្រើប្រាស់ ហើយអ្វីដែលពិសេសនោះគឺវាជា Launcher ប្រភេទ 3D តែម្ដងដែលមានមុខងារយ៉ាងច្រើនសំបូរបែបមែនទែន។
Next Launcher 3D Shell ជា Launcher ប្រភេទ 3D ដ៏ល្អបំផុតសម្រាប់ Android ដោយបានវិវត្តមកដល់ជំនាន់ 3.11 ហើយ ជាមួយនឹង UI3.0 ជំនាន់ថ្មី ដែលមានសមត្ថភាព និងពិសេសជាងជំនាន់មុនច្រើន។ Icon នៃកម្មវិធីនីមួយៗត្រូវបានរចនាមកយ៉ាងទាន់សម័យជាប្រភេទ 3D ភ្លឺថ្លាព្រមទាំងអាចធ្វើការកែច្នៃបន្ថែមបានទៀតផង។ យើងអាចធ្វើការជ្រើសរើសយក 3D Mode ឬ Classic Mode(2D) ទៅតាមចំនូលចិត្តរបស់អ្នក ប៉ុន្ដែ 3D Mode តម្រូវអោយយើងប្រើប្រាស់ទៅលើស្មាតហ្វូនស៊េរីខ្ពស់ទើបអាចដំណើរការបានរលូនល្អ ព្រោះវាប្រើប្រាស់ក្រាហ្វិចរាងធំបន្ដិច។ យ៉ាងណាមិញ អ្នកប្រាកដជាពេញចិត្តជាមួយនឹង 3D Mode ជាង ព្រោះការប្រើប្រាស់មានលក្ខណៈទំនើប ជាមួយនឹង Icon 3D, widget 3D, App Drawer 3D និយាយទៅគឺ 3D សឹងតែទាំងអស់ទៅហើយ។ បន្ថែមពីនេះអ្នកថែមទាំងអាចដោនឡូត Theme បន្ថែមពីក្នុង Play Store បានយ៉ាងច្រើនប្រភេទទៀតផង។
Next Launcher 3D Shell គឺមានតម្លៃថ្លៃបន្ដិចហើយ ដែលវាបានដាក់លក់នៅលើ Play Store ក្នុងតម្លៃដល់ទៅ $16.99 ឯណោះ ប៉ុន្ដែអ្នកអាចទាញយក Launcher នេះបានតាមរយៈ Link ខាងក្រោម៖
យ៉ាងណាមិញថ្វីត្បិតតែ launcher នេះអាចជួយអោយស្មាតហ្វូនរបស់យើងមានលក្ខណៈប្លែក និងកាន់តែសំបូរបែបជាងមុនពិតមែន ប៉ុន្ដែអ្វីដែលជាបញ្ហានោះគឺវារាងស៊ីថ្មបន្ដិចហើយ ដូចនេះសូមអ្នកពិចារណាដោយខ្លួនឯងថាគួរតម្លើង ឬមិនគួរតម្លើង ប៉ុន្ដែបើតាមយោបល់ខេមបូ អ្នកគួរតែសាកល្បងប្រើប្រាស់វាអោយធុញសិនទៅចាំលុបវាចេញ ព្រោះ Launcher នេះពិតជាពិសេសណាស់!
