គន្លឹះបង្កើត LINE Stickers ដោយខ្លូនឯង
LINE ជាកម្មវិធីនាំសារបែប social network មួយប្រភេទ សម្រាប់ទូរស័ព្ទ smart phone ដែលបានបង្កើតឡើងនៅក្នុងឆ្នាំ 2011 នៅប្រទេសជប៉ុន។ ក្នុងនោះចំណុចដែលគួរជាទីចាប់អារម្មណ៍របស់ប្រិយមិត្ត LINE គឺភាពលឿនរហ័ស និងរូបភាព Stickers ស្អាតៗដែលមានថ្មីៗ មិនដាច់នោះតែម្ដង ។ ជាមួយគ្នានេះ មានលោកអ្នកខ្លះក៏បានប្រើប្រាស់មធ្យោបាយផ្សេងៗក្នុងការ Hack ឬបន្ថែម Stickers ទៀតផងក៏មាន ។
ដើម្បីបង្កការងាយស្រួល លោកអ្នកអាចចាប់ផ្ដើមក្នុងការបង្កើត Sticker ដោយខ្លូនឯង និងដាក់ឲ្យប្រើប្រាស់ ឫលក់ទូទាំងពិភពលោកទៀតផង ដោយចាប់ផ្ដើមជាមួយ សំបុកអាយធី ដូចតទៅ៖
ការចុះឈ្មោះ
ជាដំបូង សូមចូលទៅកាន់ទីនេះ និងចុច Register here។
បន្ទាប់មក សូមធ្វើការ login ជាមួយគណនីរបស់លោកអ្នក ។
បញ្ជាក់ ប្រសិនបើលោកអ្នកមិនទាន់មាន Email ភ្ជាប់ជាមួយគណនី LINE ទេនោះ សូមចូលទៅកាន់ Settings របស់ LINE app នៅក្នុង Smart phone របស់លោកអ្នកនិងធ្វើការ Register។
បន្ទាប់មកទៀត លោកអ្នកនឹងត្រូវធ្វើការ Allow ដើម្បីផ្តល់សិទ្ធិ (Authorize) ដល់កម្មវិធីក្នុងការប្រើប្រាស់គណនី LINE នេះ ។
ពេលដែលបានផ្ដល់សិទ្ធិរួច លោកអ្នកនឹងត្រូវអាននូវលក្ខន្តិក និងចុចធីកនៅត្រង់ Agree ដើម្បីយល់ព្រមទទួលយក និងធ្វើការបំពេញព័ត៌មានមួយចំនួនបន្ថែម ។
បន្ទាប់មក កម្មវិធីនឹងផ្ញើនូវសារ email ដើម្បីធ្វើការបញ្ជាក់ ដូចនេះ សូមបើកមើល email របស់លោកអ្នកនិងធ្វើតាមការណែនាំ នោះលោកអ្នកនឹងទទួលបានជោគជ័យក្នុងការ Registration ។
ការណែនាំអំពីប្រភេទរូបភាព
ចំពោះការបង្កើតជារូបភាព លោកអ្នកនឹងត្រូវមានរូបភាពបីប្រភេទ ដែលក្នុងនោះរួមមាន៖
- Main Image: គឺជារូបភាពសម្រាប់បង្ហាញ នាកន្លែង download ។
- Sticker Images: ជារូបភាពសម្រាប់ប្រើប្រាស់ក្នុងការផ្ញើចេញ។ ឧទាហរណ៍ រូបដែលបានផ្ញើចេញនៅម៉ោង 16:32 ក្នុងរូបខាងក្រោម ។
- Chat Room Tab Image: ជារូបភាពតំណាងនៃក្រុមមួយ។ ឧទាហរណ៍ រូបក្បាលខ្លាឃ្មុំ ដែលស្ថិតនៅជួរខាងក្រោម៖
ការបង្កើតជារូបភាព stickers
- ទំហំ ប្រភេទ និងចំនួន៖
ការណែនាំ៖
- Sticker images នឹងត្រុូវបានប្ដូរទំហំដោយស្វ័យប្រវត្តិ ដូចនេះ សូមប្រាកដថារូបភាពដែលបានធ្វើនោះ ជាលេខគូរ (2, 4, 6, 8, …) ទាំងកម្ពស់ និងទទឹង។
- ចំពោះ resolution វិញ ត្រូវមាន 72dpi ឫក៏ខ្ពស់ជាងនេះ។
- ចំពោះប្រភេទពណ៌ សូមប្រើប្រាស់ RGB color mode។
- file រូបភាពនីមួយ ត្រូវមានទំហំអតិប្បរមាត្រឹម 1MB។
- ប្រសិនបើលោកអ្នក compress រូបទាំង 42 files ចូលជា ZIP file តែមួយ file ZIP នោះត្រូវតែមានទំហំតិចជាង 20MB។
- សូមប្រើប្រាស់ Backgrounds ជា transparent។
- លោកអ្នកគប្បីទុកចន្លោះ margin ប្រមាណជា 10px ជុំវិញរូបភាព ។
- លោកអ្នកគួរតែបង្កើតរូបដែលមានក្នុងការសន្ទនាប្រចាំថ្ងៃ ដូចជា ស្ងាប គេង ញ៉ាំ ងូតទឹក -ល-។
- លោកអ្នកគួរតែបង្កើតជាពាក្យសាមញ្ញៗ ឫរូបភាពដែលងាយយល់។
- លោកអ្នកមិនគួរបញ្ចូលរូបថតមកធ្វើជា sticker ទេ។
- លោកអ្នកមិនត្រូវបញ្ចូលរូបភាពដែលទាក់ទងនឹង ការសេពគ្រឿងស្រវឹងនៅវ័យក្មេង ការជក់បារី រូបភាពអាសអាភាស ឫទាក់ទងនឹងការប្រកាន់ពូជសាសន៍ ជា sticker នោះឡើយ។
មុននឹងលោកអ្នកអាចធ្វើការបញ្ចូនរូប sticker របស់លោកអ្នកទៅបាន លោកអ្នកនឹងតម្រូវឲ្យធ្វើការបំពេញព័ត៌មានគណនីធនាគារ ហើយបន្ទាប់មក រូបភាពដែលលោកអ្នកបានបញ្ចូនទៅ នឹងត្រូវបានត្រួតពិនិត្យ និងធ្វើការសម្រេចចិត្ត។
0 comments:
Post a Comment