វិធីតម្លើងកម្មវិធី Cydia នៅលើឧបករណ៍ iOS 8 របស់អ្នក
ទីបំផុតអ្នកប្រើប្រាស់ប្រព័ន្ធប្រតិបត្តិការណ៍ iOS 8 រឺ iOS
8.1 អាចធ្វើការ Jailbreak ឧបករណ៍របស់អ្នកបានហើយ
ក៏ប៉ុន្តែវានៅមិនទាន់ពេញលេញនៅឡើយទេ
ពោលវានៅមិនទាន់មានកម្មវិធី Cydia នៅឡើយ។
ទោះបីជាបន្ទាប់ពីធ្វើការ Jailbreak ហើយមិនបានឃើញកម្មវិធី Cydia
យ៉ាងណាក៏ដោយ ក៏ប៉ុន្តែយើងក៏អាចបញ្ចូលកម្មវិធី Cydia ចូលទៅក្នុង iPhone,
iPad, iPod Touch របស់អ្នកផងដែរតាមរយៈជំហ៊ានខាងក្រោមនេះ។
មុននឹងចាប់ផ្តើម
យើងសំណូមពរអោយអ្នកទាំងអស់គ្នាអានសេចក្តីណែនាំអោយបានពីរដងសិន
សឹមអនុវត្តន៍
ព្រោះអីវាអាចនឹងសាំញ៉ាំបន្តិចសម្រាប់អ្នកដែលមិនសូវស្ទាត់ជំនាញ
ប៉ុន្តែប្រសិនបើអ្នកបានដាក់ចិត្តធ្វើ ខ្ញុំជឿថា
អ្នកអាចនឹងធ្វើបាន។
អ្នកអាចនឹងធ្វើបាន។
បំរាម
- បច្ចុប្បន្ននេះវិធី Jailbreak គឺមានភាពសាំញ៉ាំណាស់ ដូច្នេះបើមិនចាំបាច់ទេ សូមមេត្តារង់ចាំកម្មវិធី Jailbreak ដែលងាយស្រួលជាងនេះ
- វិធីនេះមានគ្រោះថ្នាក់ខ្លាំង ពោលអ្នកអាចនឹងត្រូវ Restore (ឈូស) iDevice អ្នកសារជាថ្មី ប្រសិនបើមានបញ្ហា
តម្រូវការ
- iPhone, iPad, iPad របស់អ្នកត្រូវតែបាន Jailbreak រួចតាមកម្មវិធី Pangu។ បើអ្នកមិនទាន់បាន Jailbreak ទេ សូមចុចទីនេះ
- កុំព្យូទ័រ និង iPhone, iPad អ្នក ដែលភ្ជាប់ទៅកាន់ប្រព័ន្ធ Wi-Fi មួយ។ បើផ្ទះអ្នកមិនមាន Wifi សូមប្រើវិធីយកទូរស័ព្ទមួយទៅចែកចាយអ៊ីនធឺណែតតាមរយៈ Hotspot
- ដោនឡូកម្មវិធី WinSCP (ទំហំ4.5mb) រួចហើយតម្លើងវា
- ដោនឡូដឯកសារចំនួនពីរនេះទុកដែលមានឈ្មោះថា Cydia ដោយចុចទីនេះ
របៀបតម្លើង
- បើកកម្មវិធី Pangu លើ iPhone/iPad របស់អ្នក រួច Install កម្មវិធី OpenSSH
- នៅលើ iPhone/iPad របស់អ្នក សូមចូលទៅកាន់ Setting > Wi-Fi > ចុចសញ្ញា (!) លើឈ្មោះ Wi-Fi ដែលអ្នកកំពុងប្រើនិងចម្លងលេខ IPS Adress ទុក (គំរូ: 192.168.xxxxx)
- បើកកម្មវិធី WinSCP ដែលយើងបានដោនឡូដនិងតម្លើងខាងលើ រួចហើយបំពេញត្រង់ប្រឡោះ Host Name សូមបំពេញលេខដែលអ្នកបានកត់ទុកខាងលើ (192.xxx) ត្រង់ប្រឡោះ User Name បំពេញពាក្យ root និងលេខសំងាត់បំពេញពាក្យ alpine។ ប្រសិនបើវាសួរលេខសំងាត់ទៀត សូមបញ្ចូលពាក្យ alpine។
- បន្ទាប់ពីបានបំពេញប្រឡោះទាំងនោះត្រឹមត្រូវហើយ សូមចុច Login និងចាំមួយភ្លែត និងចុច Yes នៅពេលដែលវាសួរសំនួរ។ ប្រសិនបើអ្នកជួបបញ្ហាកំឡុងពេលនេះ សូមប្រាកដថាអ្នកបានតម្លើងកម្មវិធី OpenSHH បានត្រឹមត្រូវ រឺបានវាយបញ្ចូលលេខ IP Adress បានត្រឹមត្រូវ រឺកុំព្យូទ័រ និងឧបករណ៍អ្នកបានប្រើប្រព័ន្ធ Wi-Fi ដូចគ្នាឬអត់។
- នៅពេលដែលចូលទៅកម្មវិធីនេះដំបូងវានឹងបង្ហាញ Folder ដែលមាន ឈ្មោះ Folder Library និង Media។ សូមចុចសញ្ញា .. នៅខាងលើនេះដើម្បីឡើងទៅកន្លែងផ្សេងទៀត
- ចុះក្រោមរហូតដល់ Folder ដែលមានឈ្មោះថា “tmp” រួចបើកវាឡើង ហើយចាប់អូសឯកសារ Cydia ចំនួនពីរដែលអ្នកបានដោនឡូដតាំងពីដំបូងឡើយចូលវា
- នេះគឺជាជំហ៊ានចុងក្រោយ និងលែងសូវឈឺក្បាលទៀតដែរ ដោយសូមចុចប៊ូតុង Control ជាមួយអក្សរ T ព្រមគ្នា រឺចុចក្រឡោន Commands នៅខាងលើ រួចចុច Open
Terminal - ចម្លងពាក្យនេះដាក់ចូលប្រឡោះនោះហើយចុច Enter “dpkg -i cydia-lproj_1.1.12_iphoneos-arm.deb”
- ចម្លងពាក្យនេះដាក់ចូលប្រឡោះទៀតរួចហើយចុច Enter “dpkg -i cydia_1.1.13_iphoneos-arm.deb”
- ជាចុងក្រោយសូមវាយពាក្យ reboot ដាក់ចូលប្រឡោះនោះហើយចុច Enter រឺក៏បិទបើកទូរស័ព្ទទៅជាការស្រេច។
ជាចុងក្រោយអ្នកនឹងឃើញមានកម្មវិធី Cydia
នៅលើផ្ទៃអេក្រង់របស់អ្នកជាក់ជាមិនខាន។
នៅពេលដែលបើកដំណើរកម្មវិធីនោះ វានឹងចាប់ផ្តើមរៀបចំឯកសារ
ហើយវាអាចនឹងបង្ហាញសារ Storage
Full បានប៉ុន្តែសូមកុំចាប់អារម្មណ៍នឹងវាអី។
បញ្ហាដែលអាចនឹងកើតកំឡុងពេលដំណើរការនេះគឺវានឹងឧស្សាហ៍ទាមទារ
លេខសំងាត់ ដូច្នេះយើងគ្រាន់តែបំពេញពាក្យ Alpine
ជាការស្រេច។
ជាការស្រេច។
0 comments:
Post a Comment