រាប់ជំហ៊ានរបស់អ្នកដែលបានដើរ ជាមួយ Tweak Stepper 2 (ល្អសម្រាប់សុខភាព)

Home » Phone » រាប់ជំហ៊ានរបស់អ្នកដែលបានដើរ ជាមួយ Tweak Stepper 2 (ល្អសម្រាប់សុខភាព)

រាប់ជំហ៊ានរបស់អ្នកដែលបានដើរ ជាមួយ Tweak Stepper 2 (ល្អសម្រាប់សុខភាព)

Posted by អេសស៊ី on 27 November 2014 Label: Phone

ការដើរគឺការធ្វើលំហាត់ប្រាណដ៏ងាយស្រួលមួយ ហើយក៏អាចផ្តល់អត្ថប្រយោជន៍ច្រើនណាស់ដល់សុខភាពរបស់យើងផងដែរ។ បើតាមដំបូន្មានអ្នកជំនាញ យើងគួរតែដើរអោយបាន 10,000 ជំហ៊ានក្នុងមួយថ្ងៃដើម្បីទទួលអត្ថប្រយោជន៍នានា ដូចជាស្រកទំងន់ កាត់បន្ថយអត្រាកើតជម្ងឺបេះដូង សម្ពាធឈាម ទឹកនោមផ្អែម កាត់បន្ថយស្តេ្រសជាដើម។ ចុះតើអ្នកធ្លាប់បានដែលតាមដានខ្លួនឯងដែររឺទេ ថាក្នុងមួយថ្ងៃអ្នកដើរបានប៉ុន្មានជំហ៊ានដែរ? តើអ្នកចង់ក្លាយជាមនុស្សមួយមានសុខភាពល្អ ដោយជំរុញការដើរអោយបានច្រើនជាងបច្ចុប្បន្នទេ? Tweak ឈ្មោះថា Stepper 2 អាចជួយអ្នកបាន។

Stepper 2 គឺជា Tweak ថ្មីនិងពិសេសមួយសម្រាប់ទូរស័ព្ទ iPhone អ្នក ដោយវានឹងបង្ហាញអោយឃើញពីជំហ៊ានដែលយើងបានដើរនៅលើផ្ទៃខាងមុខ អេក្រង់នៃទូរស័ព្ទអ្នកតែម្តង។ វាអាចបង្ហាញបាននៅបីតំបន់ទីមួយគឺនៅកន្លែង Lock Screen នៅកន្លែងជិតម៉ោង និងកន្លែងអក្សរ Slide to unlock។ ប្រសិនបើអ្នកដោះសោរអេក្រង់ទូរស័ព្ទអ្នកហើយ វាក៏នឹងនៅតែបង្ហាញនៅជាប់កន្លែង Status bar ទៀតជាប់កន្លែងម៉ោង។ បន្ថែមពីនេះទៅទៀត យើងក៏អាចកំណត់ផងដែរពីជំហ៊ានដែលយើងត្រូវដើរក្នុងមួយថ្ងៃ ហើយវានឹងបន្លឺសាររំលឹកយើងជារឿយៗមិនអោយ
យើងភ្លេចឡើយ។

តម្រូវការ

iPhone 5s, iPhone 6, iPhone 6 Plus
ដំណើរការដោយ iOS 7 រឺ iOS 8
ឧបករណ៍របស់អ្នកបាន Jailbreak រួច

របៀបតម្លើង និងប្រើ

បើកកម្មវិធី Cydia រួចបន្ថែម Source (repo.biteyourapple.net) ចូល។ ប្រសិនបើអ្នកមាន Source នេះរួចហើយ សូមចុចពាក្យ Change > Refresh ចាំមួយភ្លែត
ស្វែងរក Tweak ឈ្មោះ “ Stepper សម្រាប់ iOS 7” រឺ “ Stepper 2 សម្រាប់ iOS 8
ចូលទៅកាន់ Setting > Stepper 2 រួចបើក Enable។ យើងអាចធ្វើការកែសម្រួលអ្វីបានជាច្រើនទៀត ទៅតាមចំណង់ចំណូលចិត្តរបស់យើង ដូចជាបើកអោយវាបង្ហាញចំនួនជំហ៊ានដែលយើងបានដើរតែនៅកន្លែង Lockscreen រឺក៏នៅជិតម៉ោង។

គូសបញ្ជាក់ផងដែរថា មូលហេតុដែល Tweak នេះអាចប្រើប្រាស់បានតែជាមួយ iPhone 5s, iPhone 6 និង 6 Plus ក៏ដោយសារតែវាប្រើប្រាស់បន្ទះឈីប M7 រឺ M8 ដែលវាមានសមត្ថភាពអាចរាប់ជំហ៊ានដែលយើងបានធ្វើចលនាបាន។

អេសស៊ី