វិធីសាស្រ្តក្នុងការថតសកម្មភាពលើអេក្រង់កុំព្យូទ័រជាវីដេអូ
ដោយសារតែមានមិត្តអ្នកអាន មួយចំនួនចង់អោយ ខេមបូ ធ្វើការ បង្ហាញពីរបៀបថតសកម្មភាពលើអេក្រង់កុំព្យូទ័ររបស់ខ្លួន ដូច្នេះយើងខ្ញុំបាន លើកយកមក បង្ហាញជូនប្រិយមិត្ត នៅចុងសប្តាហ៍នេះតែម្តង។ តាមពិតទៅការ ថតសកម្មភាពផ្សេងៗ ដែលអ្នកចង់ថត លើអេក្រង់កុំព្យូទ័រ តម្រូវការរបស់វាត្រូវការទាញយក កម្មវិធីផ្សេងៗ មកប្រើប្រាស់ដើម្បីថត ហើយកម្មវិធីទាំងអស់នោះវាមិនមែនមានតែមួយប្រភេទនោះទេ គឺវាមានច្រើនប្រភេទ និង ច្រើនជម្រើសសម្រាប់អ្នក។
ប៉ុន្តែសម្រាប់ថ្ងៃនេះវិញ ខេមបូ សូមលើកយក កម្មវិធីមួយមានឈ្មោះថា FastStone Capture ជំនាន់ 8.2 ដែលមានទំហំតូច ហើយងាយស្រួលក្នុងការប្រើប្រាស់ទៀតផង ជាពិសេសសម្រាប់អ្នកដែលចង់ ធ្វើការថតសកម្មភាពលើអេក្រង់ត្រឹមតែលក្ខណៈបែបធម្មតា មិនមែនថតក្នុងពេលលេងហ្គេម ដែលមាន Graphic ធំៗឡើយ ព្រោះកម្មវិធីនេះវាមានទំហំតូច ហើយមានល្បឿនសាកសមសម្រាប់តែថត សកម្មភាពធម្មតាៗ នៅលើកុំព្យូទ័រទេ។ ប្រសិនបើអ្នកចង់ធ្វើការ ថតសកម្មភាព ដូចជាការបង្ហាញចំណេះដឹងផ្សេងៗរបស់ ខ្លួន សូមជ្រើសរើសយកកម្មវិធីនេះ គឺមិនខុសឡើយ វាអោយអ្នកធ្វើការ កំណត់ថតសម្លេងដោយផ្ទាល់ និង ឡាយលំជាមួយ សម្លេងចេញពីក្នុងកុំព្យូទ័រក៏បាន ដូចដែលវីដេអូរបស់ខេមបូបានធ្វើការ បង្ហាញពីមុនៗមក ចេញពីអេក្រង់កុំព្យូទ័រ។
ខាងក្រោមនេះជាវីដេអូដែលថតចេញពីកម្មវិធី FastStone
សម្រាប់មិត្តអ្នកអានដែលមានបំណងចង់ធ្វើការតម្លើង សូមទាញយកតាមរយៈ តំណរនេះ
ហើយសូមធ្វើតាមរូបភាពខាងក្រោម៖
ក្រោយពីតម្លើង និង ធ្វើអោយវា Full Version តាមការណែនាំរបស់ខេមបូរួចរាល់អ្នកអាចប្រើប្រាស់វាបានដោយសេរី និង ងាយស្រួល។
នេះគ្រាន់តែជាកម្មវិធីមានទំហំតូច ដ៏ល្អមួយ ហើយថែមទាំងថតវីដេអូក្នុង កម្រិត គួរសម្យសម្រាប់អេក្រង់កុំព្យូទ័រ ប៉ុន្តែប្រសិនបើប្រិយមិត្តចង់ធ្វើការ ថតក្នុងការលេងហ្គេមផ្សេងៗ សូមកុំជ្រើសរើសយកកម្មវិធីនេះ វាមិនអាចថតបានកម្រិតល្បឿនលឿនឡើយ ខេមបូនឹងធ្វើការណែនាំ កម្មវិធីសម្រាប់ធ្វើការថតវីដេអូនៅពេលដែលអ្នកធ្វើការលេងហ្គេមលើកុំព្យូទ័រនៅពេលក្រោយៗទៀត។
0 comments:
Post a Comment