វិធីសាស្រ្តក្នុងការទាញយក Album រូបថតពីក្នុង Facebook
មានប្រិយមិត្តមិនតិចនោះទេដែល មានបំណងចង់ធ្វើការទាញយករូបភាពទាំងអស់ ដែលមិត្តភក្តិបានផុសចូលទៅក្នុងបណ្តាញសង្គម Facebook បន្ទាប់ពីបានចូលរួមកម្មវិធីអ្វីមួយ។ ប៉ុន្តែអ្វីដែលជាការលំបាកនោះគឺ អ្នកដែលផុសរូបគឺអាចផុសបានម្តងច្រើនចំណែកឯអ្នកដែលចាំទាញយកគឺ ទាញយកបានម្តងតែមួយរូបតែប៉ុណ្ណោះ។ ប៉ុន្តែថ្ងៃនេះក្រុមការងារខ្មែរ៧៩យើងនឹងនាំយកនូវវិធីទាញយកម្តងបានទាំង Album ពីក្នុង Facebook តែម្តង។
ជំហានទី១៖ សូមប្រិយមិត្តធ្វើការបើក Chrome Browser ទាំងអស់គ្នា បន្ទាប់មកសូមប្រិយមិត្តរកមើលត្រង់កន្លែងដែលគេដាក់ថា Apps។ សូមមើលរូបខាងក្រោម
បន្ទាប់ពីបានចុចលើពាក្យថា Apps រួចហើយនោះប្រិយមិត្តនឹងបានឃើញផ្ទាំងមួយដែលបង្ហាញឲ្យប្រិយមិត្តឃើញដូចរូបខាងក្រោម
ជំហានទី២៖ បន្ទាប់ពីបានឃើញផ្ទាំង Apps របស់ Chrome ហើយសូមប្រិយមិត្តធ្វើការចុចលើពាក្យថា Store សូមមើលរូបខាងក្រោម
នៅពេលដែលប្រិយមិត្តបានចុចលើពាក្យថា Store រួចហើយនោះប្រិយមិត្តនឹងបានឃើញផ្ទាំងថ្មីមួយទៀតដែលជាផ្ទាំងរបស់ Store នេះតែម្តង សូមមើលរូបខាងក្រោម
ជំហានទី៣៖ បន្ទាប់មកនៅក្នុងប្រអប់ស្វែងរកសូមប្រិយមិត្តធ្វើការវាយបញ្ជូលនូវពាក្យថា Album Downloader for Facebook ហើយសូមប្រិយមិត្តចុចលើ ENTER សូមមើលរូបខាងក្រោម
បន្ទាប់បានពីបានចុចលើ ENTER រួចហើយនោះលទ្ធផលនៃការស្វែងរកនឹងបង្ហាញឲ្យប្រិយមិត្តបានឃើញ សូមមើលរូបខាងក្រោម
ជំហានទី៤៖ បន្ទាប់ពីបានឃើញលទ្ធផលដែលបង្ហាញមកហើយនោះ សូមប្រិយមិត្តធ្វើការចុចលើពាក្យថា Free ដែលនៅខាងស្តាំនៃលទ្ធផលដែលប្រិយមិត្តបានស្វែងរក សូមមើលរូបខាងក្រោម
បន្ទាប់ពីបានចុចលើពាក្យថា Free រួចមកនោះប្រិយមិត្តនឹងបានឃើញផ្ទាំងមួយទៀត ដែលជាផ្ទាំងសម្រាប់បញ្ជាក់ប្រិយមិត្ត ថាតើប្រិយមិត្តយល់ក្នុងការបន្ថែម Extension មួយនេះទៅកាន់ Browser របស់ប្រិយមិត្តដែរឬទេ សូមមើលរូបខាងក្រោម
ដូច្នេះសូមប្រិយមិត្តធ្វើការចុចលើពាក្យពាក្យថា Add សូមមើលរូបខាងក្រោម
បន្តាប់ពីបានចុចលើពាក្យថា Add ហើយនោះប្រិយមិត្តនឹងបានឃើញសារមួយ ដែលបញ្ចាក់ប្រាប់ប្រិយមិត្តថា Extension មួយនេះបាន Add ចូលទៅកាន់ Browser របស់ប្រិយមិត្តរួចរាល់ហើយ សូមមើលរូបខាងក្រោម
ជំហានទី៥៖ បន្ទាប់មកសូមចូលទៅកាន់ Album ណាមួយក៏បានដែលមាននៅលើ Facebook របស់នរណាម្នាក់ក៏បានដែលប្រិយមិត្តចង់ធ្វើការ ទាញយករូបភាពសូមមើលរូបខាងក្រោម
ចំណាំ៖ ប្រិយមិត្តត្រូវចាំថាបើប្រិយមិត្តចង់បាន រូបភាពទាំងអស់ពីក្នុង Album នោះប្រិយមិត្តត្រូវធ្វើការ Scroll រហូតទាល់អស់រូបភាពដែលនៅក្នុង Album នោះ ឬក៏ប្រិយមិត្តត្រូវធ្វើការ Scroll រហូតទាល់តែរូបភាពដែលនៅក្នុង Album នោះបានបង្ហាញមកទាំងអស់ បើមិនដូច្នេះទេប្រិយមិត្តនឹងមិនអាចយករូបភាពបានទាំងអស់នោះទេ។
ជំហានទី៥៖ បន្ទាប់មកសូមប្រិយមិត្តធ្វើការចុចលើ Icon មួយដែលមានឈ្មោះថា FAD នៅខាងស្តាំផ្នែកខាងលើរបស់ Browser របស់ប្រិយមិត្ត សូមមើលរូបខាងក្រោម
បន្ទាប់ពីបានចុចលើ Icon នេះរួចហើយនោះប្រិយមិត្តនឹងបានឃើញផ្ទាំងថ្មីមួយ ដែលមានរូបភាពដែលប្រិយមិត្តចង់បាន សូមមើលរូបខាងក្រោម
ជំហានទី៦៖ បន្ទាប់មកសូមប្រិយមិត្តធ្វើការចុចលើពាក្យថា Zip Download សូមមើលរូបខាងក្រោម
បន្ទាប់ពីបានចុចលើពាក្យថា kbd>Zip Download រួចហើយនោះប្រិយមិត្ត នឹងបានឃើញផ្ទាំងមួយ ដែលនោះវាជាផ្ទាំង Option សម្រាប់ធ្វើការទាញយក សូមមើលរូបខាងក្រោម
ជំហានទី៧៖ បន្ទាប់ពីបានឃើញផ្ទាំងនេះហើយ សូមប្រិយមិត្តធ្វើការវាយបញ្ជូលឈ្មោះដែលប្រិយមិត្តចង់ដាក់សម្រាប់ Folder ដែលត្រូវទាញយក បន្ទាប់មកសូមប្រិយមិត្តធ្វើការចុចលើពាក្យថា Generate File សូមមើលរូបខាងក្រោម
បន្ទាប់ពីប្រិយមិត្តបានចុចលើពាក្យថា Generate File រួចហើយប្រិយមិត្តគ្រាន់តែរងចាំដល់ការ ដំណើរការបានបញ្ជប់ជាការស្រេច សូមមើលរូបខាងក្រោម
ចំណាំ៖ ប្រិយមិត្តក៏អាចចុចត្រង់ពាក្យថា Multiply Download បានដែរ សូមមើលរូបខាងក្រោម
ប៉ុន្តែប្រសិនបើរូបភាពដែលប្រិយមិត្តចង់ធ្វើការទាញយក មានចំនួនច្រើននោះវានឹងធ្វើឲ្យភាពមិនផ្តុំមួយកន្លែលដែលជាហេតុធ្វើឲ្យប្រិយមិត្តមានភាពលំបាកក្នុងការរៀបចំរូបភាពទាំងនោះឡើងវិញ ដូច្នេះហើយប្រិយមិត្តគួរតែជ្រើសរើសយក Zip Download ទើបជាការប្រសើរ។
