កម្មវិធី SpinMe Alarm Clock ធានាថានឹងធ្វើអោយអ្នកភ្ញាក់ពីគេងបានទៀងទាត់បំផុត
ធ្លាប់ទេនៅពេលអ្នកដាក់ម៉ោងរោទិ៍នៅពេលព្រឹក
ហើយនៅតែមិនទាន់ចង់ភ្ញាក់ងើបចេញពីគ្រែគេងរបស់អ្នក?
រឿងនេះបានកើតឡើងយ៉ាងច្រើនលើកច្រើនសារណាស់សម្រាប់មនុស្សទូទាំង
ពិភពលោក។ ឧទាហរណ៍ កាលណាពួកគេចង់ភ្ញាក់ពីគេងម៉ោង 6
ព្រឹកគេអាចនឹងភ្ញាក់ម៉ោង 6:10 ឬ 6:20
នាទីវិញដោយសារតែនៅងងុយគេងនេះសម្រាប់មនុស្សខ្ជិល
តែបើអ្នកឧស្សាហ៍វិញប្រាកដជាភ្ញាក់ទៅតាមពេលវេលា
ដូច្នេះសម្រាប់អ្នកដែលដឹងថាខ្លួនខ្ជិលហើយងើបមិនទាន់ពេលវេលា
ដូចម៉ោងដែលរោទិ៍មិនថាតាមរយៈស្មាតហ្វូន ថេប្លេត ឬនាឡិកានោះ
អ្នកអាចប្រើប្រាស់កម្មវិធី SpinMe Alarm Clock បាន ធានាថាអ្នកនឹងភ្ញាក់ពីដំនេកបានទៀតទាត់តែម្ដង ដោយសារតែលក្ខណៈសម្បត្តិពិសេសៗរបស់វា។
SpineMe Alarm Clock
គឺជាកម្មវិធីម៉ោងរោទិ៍មួយដូចទៅនឹងកម្មវិធី Alarm Clock
ដែលមានស្រាប់នៅលើស្មាតហ្វូន ឬថេប្លេតដំណើរការដោយ Android
របស់អ្នករួចជាស្រេច តែអ្វីដែលខុសប្លែកពីកម្មវិធី Alarm Clock
ធម្មតានោះគឺវានឹងធ្វើអោយអ្នកងើបពីគេងបានភ្លាមៗតែម្ដងដោយពុំ
ចាំបាច់រង់ចាំយូរ
ព្រោះកម្មវិធីនេះត្រូវបានផលិតឡើងយ៉ាងផ្ចិតផ្ចង់បំផុត
ដើម្បីដាស់អោយអ្នកគេងទ្រមក់ងើបឡើងនៅពេលម៉ោងចាប់ផ្ដើមរោទិ៍។
អ្នកប្រហែលជាឆ្ងល់ហើយថាតើវាមានសមត្ថភាពពិសេសអ្វីខ្លះទៅ?
ចម្លើយគឺនៅពេលម៉ោងរោទិ៍ភ្លាមអ្នកតម្រូវអោយដាក់មេដៃទាំង 2
ទៅលើអេក្រង់ស្មាតហ្វូន និងថេប្លេតរបស់អ្នកហើយងើបឈរ
ដោយដាក់អោយម៉ាស៊ីនអ្នកផ្ដេក
បន្ទាប់មកអ្នកតម្រូវអោយបង្វិលខ្លួនទៅខាងស្ដាំ ឬខាងឆ្វេង 1 ទៅ 2
ជុំ បើអ្នកមិនធ្វើតាមនោះទេម៉ោងនឹងបន្តរោទិ៍រហូតគ្មានឈប់ឡើយ
បើទោះបីជាអ្នកចុចប៊ូតុងបន្ថយសម្លេង
ក៏វានឹងបញ្ជាអោយសម្លេងឡើងមកវិញដដែល
ដែលធ្វើអោយអ្នកធ្វើតាមតម្រូវការរបស់កម្មវិធីរហូតសម្លេងម៉ោងឈប់
រោទិ៍ត្រូវបានបញ្ឈប់។
ជាងនេះទៅទៀតអ្នកអាចធ្វើការផ្លាស់ប្ដូរសម្លេងម៉ោងរោទិ៍ជាច្រើន
ប្រភេទដែលមានស្រាប់នៅក្នុងកម្មវិធី និងដាក់អោយវាញ័រ
ឬមិនញ័រទៅតាមការចង់បានជាមួយ Interface ស្រស់ស្អាតងាយស្រួលក្នុងការប្រើប្រាស់។
អ្នកប្រាកដជាមិនជឿឡើយអំពីសមត្ថភាពពិសេសរបស់កម្មវិធីនេះ
ដូច្នេះបើអ្នកធ្លាប់តែគេងទ្រមក់ហើយពុំមានកម្មវិធីម៉ោងរោទិ៍ណា
អាចដាស់អោយអ្នកងើបចេញពីគ្រែនោះ
អ្នកគប្បីសាកល្បងប្រើប្រាស់កម្មវិធីមួយនេះ
អ្នកនឹងដឹងថាវាយ៉ាងណា។
បើអ្នកចង់យកឈ្នះវាសូមកុំបិទទូរស័ព្ទអោយសោះ
ពេលនោះអ្នកនឹងដឹងថាមួយណាខ្លាំងជាងមួយណាជាក់ជាមិនខាន
ហើយបើកម្មវិធីនេះពុំអាចដាស់អ្នកអោយភ្ញាក់ពីគេងបាននោះ
មានន័យថាប្រហែលជាគ្មានកម្មវិធី Alarm Clock ណាអាចជួយអ្នកបានឡើយ។
អញ្ចឹងបើចង់ដឹងថាកម្មវិធីនេះឡូយ
និងអស្ចារ្យត្រង់ណាខ្លះនោះអ្នកអាចសាកល្បងប្រើប្រាស់វាបានដោយ
សេរីមិនគិតប្រាក់ ដោយទាញយកចេញពីទីផ្សារអេឡិចត្រូនិច Play Store ដោយស្វែងរកពាក្យថា SpinMe Alarm Clock ឬចុចប៊ូតុងខាងក្រោម។
|
0 comments:
Post a Comment