អេសស៊ី

ជាធម្មតា នៅពេលដែល Set Up Windows នៅលើកុំព្យូទ័រ​របស់​អ្នក​ម្តងៗ តែង​តែ​ត្រូវ​ការ Disk មួយ ឬ USB Flash Drive ដែល​ផ្ទុក​នូវ File Windows សម្រាប់​ Boot យក​ទៅ​តម្លើង​លើ​ម៉ាស៊ីន​កុំព្យូទ័រ។ នៅ​ថ្ងៃ​នេះ ក្រុម​ការងារ ខេមបូរីផត យើង​ខ្ញុំ​ សូម​លើក​យក​វិធី​សាស្រ្ត​ល្អ​មួយ ដែល​អាច​ធ្វើ​អោយ USB Flash Drive របស់​អ្នក អាច Boot បាន ដោយ​មិន​ចាំបាច់​ប្រើ​កម្មវិធី​នោះ​ទេ គឺ​តាម​រយៈ​កា​រប្រើ Command Prompt។

ដើម្បីអាចអោយ USB Flash Drive របស់អ្នក អាច Boot បាន ជា​ដំបូង​លោក​អ្នក​ត្រូវ​យក​វា​ទៅ​ដោត​លើ​ម៉ាស៊ីន​កុំព្យូទ័រ​របស់​អ្នក រួច​ហើយ​ពិនិត្យ​មើល ថា​តើ​វា​ស្ថិត​នៅ​លើ​ទីតាំង Drive មួយ​ណា( អាច​ជា​ទីតាំង Drive F,G ឬ H អាស្រ័យ​ទៅ​តាម​កុំព្យូទ័រ​របស់អ្នក)។

បន្ទាប់មកទៀត អ្នកត្រូវចូលទៅកាន់ Command Prompt រួច Run As Administrator វា​នឹង​ចេញ​ផ្ទាំង​ខ្មៅ​មួយ​ដូច​ខាង​ក្រោម ហើយ​ត្រូវ​សរសេរ​ពាក្យ​បញ្ជា​មួយ​ថា diskpart ដូចរូប៖

បន្ទាប់មកចុច Enter ពេលនោះវានឹងចេញផ្ទាំងមួយ។

បន្ទាប់មកទៀត វាយពាក្យថា listdisk ដើម្បីដឹង ថាតើ​នៅ​លើ​កុំព្យូទ័រ​របស់​យើង​មាន Drive និង USB Flash Drive ណា​ខ្លះ សម្រាប់​កំណត់​ប្រភេទ Drive នោះ​អោយ​វា Boot។

ពេលនោះ USB Flash Drive របស់ខ្ញុំគឺ Disk 1 ដែល​មាន​ទំហំ 2GB(ទំហំ​ពិត គឺ​មិន​ដល់​ទេ)។ អញ្ចឹង​ដើម្បី​អោយ​វា Boot ខ្ញុំ​ត្រូវ​ការ Select យក​ Disk 1។ ដូច្នេះ​ត្រូវ​វាយ​ពាក្យ​បញ្ជា​ថា Select disk 1 នោះ​វា​នឹង​បង្ហាញ​ដូច​ខាង​ក្រោម៖

ជំហ៊ានបន្តទៀត ត្រូវវាយពាក្យបញ្ជាថា create partition primary រួច​វាយ​ពាក្យថា Active ។

ជាចុងក្រោយ អ្នកត្រូវ Format USB Flash Drive របស់អ្នក ទៅ​ជា NTFS File ដោយ​វាយ​ពាក្យ​បញ្ជា​ថា format fs=ntfs quick រួច​ចុច Enter និង បន្ទាប់​ទៀត​វាយ​ពាក្យ Assign ជា​ការ​ស្រេច ហើយ​ចង់​ចាក​ចេញ​ពី​ផ្ទាំង​ខ្មៅ​នោះ ត្រូវ​វាយ​ពាក្យ​ថា exit ។

ជំហ៊ានខាងលើនេះ អាចធ្វើអោយ USB Flash Drive របស់​អ្នក មាន​សមត្ថភាព​អាច Boot បាន​ហើយ ប៉ុន្តែ​អ្នក​ត្រូវ​តែ Copy នូវ File Windows Setup ដាក់​ក្នុង USB ហើយ​និងវកំណត់​កន្លែង Boot ពេល Set up ត្រូវ​ជ្រើស​យក Boot From Removable Devices។ ដូច្នេះ ជាមួយ Command Prompt លោក​អ្នក​អាច​ធ្វើ USB Flash Drive របស់​អ្នក​អាច Boot បាន​យ៉ាង​មាន​ប្រសិទ្ធិភាព។