ចង់បានសារបង្ហាញដំណឹងពេល iPhone ឬក៏ iPad របស់អ្នកអស់ថ្មជាអក្សរខ្មែរមែនទេ? ទីនេះមានចម្លើយដែលប្រិយមិត្តចង់បាន
ក្រុមការងារខេមបូរីផតយើងខ្ញុំបានលើកបង្ហាញជូនជាច្រើនហើយ នូវ Tweak និង
Theme ថ្មីៗ ប្លែកៗជាច្រើន ដែលមានដូចជា Tweak
ដែលអាចដូរភាគរយថ្មទូរស័ព្ទពីលេខទៅជាអក្សរខ្មែរ
កាំសេវាទូរស័ព្ទរាងបេះដូង ដូររូបថ្មទូរស័ព្ទទៅជារូបស្រស់ស្អាត
ក៏ដូចជាការប្តូរ Theme Style របស់ Passcode ជាដើម។
ជាក់ស្តែងក្នុងថ្ងៃនេះដែរ ក្រុមការងារយើងខ្ញុំ នឹងលើកយក Tweak
មួយដែលមានលក្ខណៈពិសេស និងប្លែកជាង Tweak រាល់ដង ដែល Tweak នេះ
មានលទ្ធភាពក្នុងការប្តូរសារបង្ហាញដំណឹងនៅពេល iDevices
របស់អ្នកអស់ថ្មទៅតាមអ្វីដែលអ្នកចង់បាន ហើយជាពិសេសនោះ
គឺវាអាចអោយយើងប្តូរសារបង្ហាញដំណឹងនោះ ជាអក្សរខ្មែរទៀតផង។
វាក៏ដូចជាដំណឹងពិសេសមួយ
សម្រាប់ប្រិយមិត្តខេមបូរីផតជាច្រើនដែលបានចោតសួរសំណួរអំពីការប្តូរសារ
ផ្តល់ដំណឹងនៅពេលអស់ថ្មនេះ ហើយវាក៏ជា Style
ថ្មីមួយដែលផ្តល់ជូន iPhone ឬក៏ iPad
របស់អ្នកកាន់តែមានភាពទាក់ទាញ និងឡូយឆាយជាងមុនផងដែរ។
ប្រិយមិត្តទាំងអស់អាចធ្វើការសាកល្បងជាមួយ Tweak
មួយនេះបានដោយធ្វើតាមការណែនាំខាងក្រោម៖
តម្រូវការ
- iDevices ដែលដំណើរការដោយប្រព័ន្ធប្រតិបត្តិការណ៍ iOS 8 ឡើងទៅ
- iDevices របស់អ្នកត្រូវតែ Jailbreak អោយមាន Cydia ជាមុនសិន
របៀបតម្លើង និងរបៀបប្រើប្រាស់ :
- ចូលទៅក្នុង Cydia រួចធ្វើការស្វែងរក ដោយវាយពាក្យគន្លឹះ “Power Informer” (បើសិនជាមិនអាចរកវាឃើញនោះទេ សូមធ្វើការ Refresh Cydia របស់អ្នក និងស្វែងរកម្តងទៀត) ។
- ធ្វើការតម្លើងវា ដោយចុចលើ Power Informer និងចុចលើ Install រួចធ្វើការ Restart Springboard
- បន្ទាប់ពី Install វាបានជោគជ័យហើយនោះ អ្នកអាចធ្វើការ Set វាឲ្យដំណើរការបាន ដោយចូលទៅក្នុង Setting => Power Informer និងធ្វើការ Set ទៅលើជម្រើសរបស់ Tweak នេះ ដែលមានផ្នែកធំសំខាន់ៗចំនួន 2 គឺ POWER INFORMER និង CUSTOM STRINGS
- នៅក្នុងផ្នែក POWER INFORMER អ្នកអាចធ្វើការ Enable ទៅលើ Tweak មួយនេះ, Disable System 20% Alert (ក្នុងជម្រើសនេះ អ្នកតម្រូវឲ្យជ្រើសយក On ផងដែរ ក្នុងការបិទទៅលើសារបង្ហាញដំណឹងពេលអស់ថ្ម របស់ប្រព័ន្ធដំណើរការដើម), Start Alerts At (អ្នកអាចធ្វើការកំណត់ភាគរយថ្មដែលនៅសល់នៃ iPhone ឬក៏ iPad របស់អ្នកក្នុងការបង្ហាញសារដំណឹងរបស់អ្នក), និង Increment Alerts By (កំណត់ភាគរយថ្ម ក្នុងការបង្ហាញសារប្រាប់ដំណឹងជាលើកទីពីរ)។
- ចំណែកឯនៅក្នុងផ្នែក CUSTOM STRINGS វិញ អ្នកអាចធ្វើការកំណត់ការបង្ហាញសាររបស់អ្នកដូចជា នៅត្រង់ជម្រើស “Battery Alert” (សារបញ្ជាក់ពេលអស់ថ្ម), “of battery remaining” (ភាគរយថ្មនៅសល់ ជាមួយនឹងសារអ្នកចង់បង្ហាញ), “Battery fully charged” (សារបង្ហាញពេលថ្មពេញ), និង “Dismiss” (សារបញ្ជាក់ពេលបានទទួលដំណឹង ឬក៏សារបញ្ឈប់ដំណឹង)។
ក្រោយពីធ្វើការកំណត់ ក៏ដូចជាបំពេញនូវជម្រើសទាំងនេះហើយ
ប្រិយមិត្តអាចធ្វើការ Reboot នូវ iPhone ឬ iPad របស់លោកអ្នក
រួចអាចរង់ចាំមើលសារបង្ហាញដំណឹងដែលលោកអ្នកទើបតែបានកំណត់
អាស្រ័យទៅតាមភាគរយដែលអ្នកបានជ្រើសរើស។
ខេមបូ សូមចូលរួមអបអរ ដល់ប្រិយមិត្តដែលបានតម្លើង Tweak
មួយនេះបានដោយជោគជ័យ។
ក្រុមការងារយើងខ្ញុំនឹងបន្តស្វែងរកអ្វីដែលថ្មី
ទាក់ទងនឹងបច្ចកវិទ្យា ក៏ដូចជា Tweak និង Theme ល្អៗ
មកធ្វើការចែកជូនដល់ប្រិយមិត្ត នៅពេលក្រោយៗទៀត។
0 comments:
Post a Comment