ចំណុចសំខាន់ទាំង ៥ ដែលនាំឲ្យ WIFI របស់អ្នកខ្លាំងជាងមុន
Posted by អេសស៊ី on
30 September 2015
Label:
Programes
មកទល់ពេលនេះនៅក្នុងប្រទេសកម្ពុជាអ្នកដែលកំពុងប្រើប្រាស់សេវាអ៊ីនធើណិតក្រោមគម្រោងធម្មតា ឬសេវាដែលមានតម្លៃថោកពួកគេភាគច្រើនពុំសូវបានខ្វាយខ្វល់អំពីសុវត្ថិភាព និងល្បឿនអ៊ីនធើណិត ដែលពួកគេកំពុងប្រើប្រាស់ ទោះជាយឺតឬ លឿនក្តី ដូចនេះយើងបានកត់សម្គាល់យ៉ាងច្បាស់អំពីកង្វះចំណេះដឹងផ្នែកបច្ចេកវិទ្យា។
យើងបានយល់យ៉ាងច្បាស់ទៅហើយថាបច្ចុប្បន្ននេះសេវាអ៊ីនធើណិតតាមផ្ទះមួយខែៗតម្លៃដែលថោកជាងគេគឺ ១២ដុល្លារ ហើយអ្នកដែលកំពុងប្រើប្រាស់សេវាទាំងនេះពុំសូវបានខ្វាយខ្វល់អំពីមូលហេតុទាំងឡាយដែលធ្វើឲ្យល្បឿនអ៊ីនធើណិតរបស់ពួកគេយឺតនោះឡើយ ដែលជាទូទៅឲ្យតែពេលដែលយឺតម្តងៗពួកគេតែងតែគឹតថានេះមកពីសេវាតម្លៃថោកដូចនេះពេលខ្លះគឺយឺតបែបនេះ ប៉ុន្តែវាមិនមែនបែបនេះទាំងស្រុងឡើយ វាក៏នៅមានបញ្ហាផ្សេងៗទៀតដែលស្ថិតនៅជុំវិញនោះ។
ថ្ងៃនេះយើងខ្ញុំសូមលើកយកបច្ចេកទេស ៥ក្បាច់ដើម្បីជួយជម្រុញឲ្យឧបករណ៍បម្រើសេវាអ៊ីនធើណិតរបស់អ្នកដំណើរការស្រួល លឿន និងកាន់តែមានគុណភាពជាងមុន៖
- អ្នកទាំងអស់គ្នាត្រូវទុកដាក់ Wifi Router នោះឲ្យបានត្រឹមត្រូវ ព្រោះទីតាំងនៃឧបករណ៍ជាកក្តាសំខាន់ក្នុងការភាយសេវាឲ្យទៅឧបករណ៍ផ្សេងៗទៀត អង្កត់ផ្ចិតភាយរបស់ Wifi គឺមានប្រវែងកំណត់ដូចនេះប្រសិនបើយើងគឹតមិនបានដិតដល់នឹងនាំឲ្យការប្រើប្រាស់សេវា Wifi របស់អ្នកនឹងមានល្បឿនយឺតព្រមទាំងឧស្សាហ៍ដាច់ផងដែរ ដូចនេះភាគច្រើនគឺគួរតែដាក់វានៅផ្នែកកណ្តាលនៃផ្ទះ ហើយត្រូវតែប្រាកដថាវាមិននៅជិតជញ្ជាំង កញ្ចក់ និងឧបករណ៍អេឡិចត្រូនិចផ្សេងៗទៀតដែលអាចកាត់បន្ថយកម្លាំងភាយរបស់ Wifi។
- អ្នកគួរតែបន្ថែមត្រួតពិនិត្យឲ្យបានច្បាស់លាស់ទៅលើអង់តែន ដែលជាឧបករណ៍សម្រាប់ផ្តល់សេវាដល់ឧបករណ៍ផ្សេងៗ មិនតែប៉ុណ្ណោះប្រវែងអង្កត់ផ្ចិតភាយរបស់ Wifi គឺអាស្រ័យទៅលើអង់តែន។ ធម្មតា Wifi Router របស់យើងគឺប្រើប្រាស់អង់តែនដែលមានគុណភាពថោកសមរម្យទៅនឹងតម្លៃវា ដូចនេះយើងគួរតែទិញអង់តែនថ្មីដែលមានកម្លាំងខ្លាំងជាងនេះ ដើម្បីឲ្យ Wifi Router របស់យើងមានកម្លាំងខ្លាំង និងមានរយៈចម្ងាយសេវាកាន់តែបានឆ្ងាយជាងមុន។
- កម្មវិធីដែលបានបញ្ចូលទៅក្នុង Router ក៏ជាកក្តាមួយសំខាន់ផងដែរព្រោះទូទៅ Router មានតួនាទីច្រើនគួរឲ្យកត់សម្គាល់ប្រសិនបើកម្មវិធីមានបញ្ហាដូចនេះវានឹងនាំឲ្យការម្រើសេវារបស់វាក៏មានបញ្ហាផងដែរ។ ជាទូទៅ Wifi Router តែងតែប្រើប្រាស់ការ Broadcast ក្នុងការស្វែងរកឧបករណ៍ដែលនៅជុំវិញខ្លួន ជាហេតុដែលនាំឲ្យ Wifi Router យើងធ្វើការច្រើនឥតឈប់ឈរ និងកាន់តែខ្សោយជាងមុន ដូចនេះយើងគួរតែបិទចោលការ Broadcast នេះហើយកំណត់គោលដៅដែលចង់បាន នោះធ្វើឲ្យ Wifi យើងអាចកាត់បន្ថយការ Broadcast មកជាការផ្គត់ផ្គង់សេវាយ៉ាងល្អទៅលើទីតាំងដែលបានកំណត់។
- Repeater គឺជាឧបករណ៍ជំនួយមួយផ្សេងទៀតដែលបានចាប់សេវា Wifi ដែលខ្សោយហើយជំនួសមកវិញនូវសេវាដែលខ្លាំងឡើងវិញ ដូចនេះយើងអាចកំណត់ SSID របស់ Repeater ឲ្យដូច Wifi Router ជាការល្អ ប្រសិនបើការកំណត់ SSID និង Security រវាង Wifi Router និង Repeater ខុសគ្នានោះអាចនាំឲ្យមានការយល់ច្រឡំណាមួយកើតឡើងក្នុងបណ្តាញយើង ជួនកាលអាចជាផលប៉ះពាល់ទៅវិញ។
- ការកំណត់ MAC Address គឺជាចំណុចសំខាន់ចុងក្រោយដែលយើងគួរតែធ្វើ ដើម្បីជៀសវាងការលួច Password ដោយអ្នកជិតខាង ហើយពួកគេលួចចូលមកប្រើប្រាស់ Wifi Router យើងដោយមិនដឹងខ្លួន ការប្រើប្រាស់ Password ដែលមានប្រវែងវែងជារឿងល្អ តែមិនត្រូវចន្លោះការកំណត់អនុញ្ញាតិ MAC Address នៅក្នុង Wifi Router យើងឡើង។
0 comments:
Post a Comment