របៀបលុប WINDOWS.OLD បន្ទាប់ពី UPGRADE ប្រព័ន្ធប្រតិបត្តិការ WINDOWS
ទូទៅនៅពេលដែលអ្នក Upgrade ប្រព័ន្ទប្រតិបត្តិការ Windows ពីមួយជំនាន់ទៅមួយជំនាន់វាតែងតែបន្សល់ទុកនៅ ថតឯកសារ (Folder) មួយនៅក្នុង Drive C (Drive ដែលអ្នកតំឡើងប្រព័ន្ធប្រតិបត្តិការ) ដែលថតឯកសារនោះមានឈ្មោះ Windows.old។ នៅក្នុងថតឯកសារនេះមានផ្ទុកទៅដោយឯកសាររបស់ប្រព័ន្ធប្រតិបត្តិការចាស់របស់អ្នក បើសិនជាអ្នកចង់លុយវាដោយវិធីងាយស្រួលនោះគឺមិនធម្មតាទេ គឺមានឯកសារខ្លះលុបមិនបានតែម្តង។ វាមិនចាំបាច់ថាអ្នកត្រូវតែលុបចេញនោះទេ ពេលខ្លះអ្នកអាចត្រូវការវាផងក៏ថាបាន បើសិនជាគ្មានថតឯកសារមួយនេះទេ អ្នកនឹងមិនអាចត្រលប់ក្រោយទៅកាន់ប្រព័ន្ធប្រតិបត្តិការចាស់របស់អ្នកបានឡើយ។ ដូច្នេះអ្នកត្រូវគិតជាមុនថាត្រូវលុប ឬអត់ អ្នកអាចលុបវាបានបើសិនជា៖
- អ្នកសម្រេចចិត្តថាហ្នឹងប្រើ Windows 10 រហូត
- អ្នកបានបង្កើត Image Backup ផ្សេងៗមុនពេលធ្វើការ Upgrade ហើយអាចធ្វើការ Restore មកវិញបានដោយមិនបាច់ពឹងថតឯកសារ Windows.old
- អ្នកបាន Upgrade មកកាន់ Windows 10 អស់រយៈពេល ៣០ថ្ងៃមកហើយ ដែល Windows 10 មិនអាចអោយអ្នកត្រឡប់ក្រោយទៅកាន់ Windows ចាស់របស់អ្នកបានឡើយ។
ខាងក្រោមនេះគឺជារបៀបលុប Windows.old
១. ចូលទៅកាន់ File Explorer រួច Mouse ស្តាំទៅលើ Drive C: រួចជ្រើសយក Properties
២. នៅលើផ្ទាំង General ចុចទៅលើប៊ូតុង Disk Cleanup
១. ចូលទៅកាន់ File Explorer រួច Mouse ស្តាំទៅលើ Drive C: រួចជ្រើសយក Properties
២. នៅលើផ្ទាំង General ចុចទៅលើប៊ូតុង Disk Cleanup
៣. រង់ចាំមួយសន្ទុះព្រោះ Windows វាកំពុងគណនា រួចផ្ទាំង Disk Cleanup នឹងបង្ហាញឡើង
៤. ចុចលើប៊ូតុង Clean up system files នៅផ្នែកខាងក្រោម
៥. អ្នកត្រូវរង់ចាំសារជាថ្មីបន្ទាប់មកផ្ទាំង Disk Cleanup នឹងលោតឡើងម្តងទៀតដែលវាខុសពីពេលមុនបន្តិច ព្រោះវាអត់មានប៊ូតុងដែលអ្នកចុចនៅជំហានទី៤ឡើយ
៦. ស្វែងរកឃ្លាមួយដែលដាក់ថា Previous Windows Installation(s) រួចធីកនៅពីខាងមុខឃ្លាមួយនេះ៕
៧. ចុច OK វានឹងសួរបញ្ជាក់អ្នកថាចង់លុប ឬអត់ ២ដងទៀត
អ្នកត្រូវរង់ចាំយឺ ឬឆាប់គឺអាស្រ័យទៅលើទំហំរបស់ថតឯកសារ Windows.old
0 comments:
Post a Comment