របៀបដោនឡូដ គេហទំព័រណាមួយទុកបើកមើល ដោយមិនបាច់ប្រើអ៊ីនធើណេត!
មានគេហទំព័រខ្លះ ដែលទាក់ទាញចំណាប់អារម្មណ៍របស់អ្នក ហើយអ្នកចង់ទាញវាទុកមើលនៅពេលក្រោយ តែនៅពេលបើកមើលវាម្តងទៀត អ្នកត្រូវមានអ៊ីនធើណេត ទើបអាចបើកមើលវាបាន ដូចនេះក៏មិនងាយស្រួលដែរ។
ប៉ុន្តែយើងមានវិធី ជួយឲ្យអ្នកដោនឡូដគេហទំព័រទាំងនោះ និងអាចបើកមើលបាន ដោយគ្មានអ៊ីនធើណេត ដោយអ្នកគ្រាន់តែទាញយកកម្មវិធីមួយនេះសម្រាប់ដំឡើងនៅលើកុំព្យូទ័ររបស់អ្នក ទើបអាចដោនឡូដគេហទំព័រផ្សេងៗមក បើកមើលបានដោយមិនប្រើអ៊ីនធើណេត។
- កម្មវិធីឈ្មោះថា HTTrack ដែលអ្នកអាច ចុចត្រង់នេះ ដើម្បីទៅកាន់កន្លែងទាញយក។
- បន្ទាប់ពីដំឡើងរួច ចូលទៅកាន់កម្មវិធីនោះ រួចបង្កើត Project name និង Project category សម្រាប់រក្សាទុកគេហទំព័រទាំងនោះ ហើយចុច Next
- ចំលង URL របស់គេហទំព័រណាមួយ បន្ទាប់ Paste ចូលចន្លោះ (URL) បន្ទាប់ Next
- បន្ទាប់មកកម្មវិធីនេះ វានឹងដោនឡូដរាល់ទិន្នន័យគេហទំព័រដែលអ្នកបានរក្សាទុកនោះ
- បន្ទាប់អ្នកអាចបើកគេហទំព័រទាំងនោះ បានដោយគ្រាន់តែចុចលើប៊ូតុង Browse Mirrored Website
បើសិនជាអ្នកឧស្សាហ៍ ឬតែងតែរក្សាគេហទំព័រផ្សេងៗទុកជាញឹកញាប់នោះ អ្នកអាចសាកប្រើប្រាស់កម្មវិធីនេះ ដើម្បីផ្តល់ភាពងាយស្រួលដល់អ្នក បន្ថែមទៀត។
0 comments:
Post a Comment