របៀបសម្អាតឯកសារឥតបានការនៅលើ iPhone, iPad, iPod យើងចោល
តើអ្នកទាំងអស់គ្នាធ្លាប់មានចំងល់ថា ហេតុអ្វីបានជា iPhone, iPad, iPod touch របស់អ្នកប្រើប្រាស់មេម៉ូរីអស់ច្រើនជាងអ្វីដែលអ្នកប្រើដែររឺទេ? តាមពិតទៅ iOS យើងប្រើប្រាស់មេម៉ូរីច្រើនណាស់ ដើម្បីរក្សាផ្ទុកឯកសារឥតបានការជាច្រើន ដែលយើងហៅថា Caches។ ទន្ទឹមនឹងនេះដែរ វាក៏រក្សាទុក Game Data ដែលឥតប្រយោជន៍ជាច្រើនផងដែរ ប៉ុន្តែយើងមិនអាចលុបវាចោលបានទេ។
ថ្ងៃនេះ Cambo Report សូមឆ្លៀតឱកាស បង្ហាញនូវកម្មវិធីដ៏ពិសេសមួយឈ្មោះថា iCleaner Pro ដែលវាអាចលុបចោល Cache, History, Application Data បានយ៉ាងងាយស្រួលបំផុត ដោយគ្រាន់បើកធីក ហើយចុច Clean ជាការស្រេច។ លោកអ្នកគួរតែប្រើប្រាស់វិធីនេះ នៅពេលដែលអ្នកចង់អោយ iDevice អ្នក ទំនេរមេម៉ូរីច្រើនជាងមុន ថែមទៀតដើរជាងមុនផងដែរ។
តម្រូវការ
- iPhone, iPad, និង iPod Touch ដែលដំនើរការពី iOS 4 ដល់ iOS 7
- កម្មវិធីនេះដំណើរការបានតែនៅលើ ឧបករណ៍ដែលបាន Jailbreak រួចហើយប៉ុណ្ណោះ
របៀបតម្លើង
- ចូលទៅកាន់ Cydia > manage > source > Edit > Add វាយពាក្យ (http://apt.178.com)
- ស្វែងរកពាក្យ “ iCleaner Pro “ នៅក្នុង Cydia រួចហើយតម្លើងជាការស្រេច
- បើកកម្មវិធី iCleaner Pro រួចហើយធីកនូវមុខងារទាំងអស់លើកលែងតែ Cydia Source
- បន្ទាប់មកទៀត សូមចចុច Clean ដែលស្ថិតនៅខាងលើ និងខាងស្តាំ ហើយចាំមួយភ្លែតជាការស្រេច
- សម្រាប់អ្នកដែលមានបញ្ហាជាមួយ Cydia ដូចជាវាលោតផ្ទាំងខ្មៅ រឺក៏លោត Error ផ្សេងទៀត សូមប្រើប្រាស់ iCleaner Pro នេះ ហើយចុចបើក Tick ត្រង់ប្រឡោះ Cydia ទាំងអស់ហើយចុចលើ Clean។
សូមបញ្ជាក់ផងដែរថា វិធីនេះអាចធ្វើអោយអង្គចងចាំអ្នកទំនេរបានចន្លោះពី 500mb ទៅ 1GB ឯណោះ នៅពេលដែល Clean លើកដំបូង។ Cambo Report សង្ឃឹមថាកម្មវិធីមួយនេះនឹងមានអត្ថប្រយោជន៍ច្រើនដល់អ្នក ហើយសូមមេត្តាជួយចែកចាយបន្តទៅកាន់មិត្តភក្កិអ្នកពីកម្មវិធីដ៍មានប្រយោជន៍មួយនេះ។
