បង្កើនម៉េម៉ូរី iPhone, iPad អ្នកអោយទំនេរច្រើនជាងមុនជាមួយ Tweak CacheClearer
ទំហំផ្ទុកទិន្នន័យ គឺជាបញ្ហាដ៏ចំបងមួយរបស់អ្នកប្រើប្រាស់ iPhone, iPad ព្រោះអីឧបករណ៍របស់ Apple នេះមិនអាចបន្ថែមកាតម៉េម៉ូរីបាននោះទេ ហើយមនុស្សភាគច្រើននិយមប្រើប្រាស់ម៉ូឌែល 16GB ជាង 32GB រឺ 64GB។ ក្រៅពីកម្មវិធី រូបភាពនិងវីដេអូហើយ ម៉េម៉ូរី iPhone របស់អ្នកមួយផ្នែកក៏បានចំណាយទៅលើ Cache ផងដែរ ដែលវាគឺជាឯកសារកំប៉ិកកំប៉ុកឥតបានការរបស់កម្មវិធីនិងហ្គេមនានា។ ជាការពិតណាស់ អ្នកគួរតែឧស្សាហ៍លុបឯកសារកំប៉ិកកំប៉ុកនេះចោល ព្រោះអីវាធ្វើអោយឧបករណ៍អ្នកទំនេរម៉េម៉ូរីច្រើនជាងមុន និងដើរលឿនជាដើម ប៉ុន្តែគួរអោយសោកស្តាយដែរ ដែល Apple មិនបានបំពាក់មុខងារសម្រាប់លុប Cache ចូលដូចពពួកទូរស័ព្ទ Android នោះទេ។
ទោះបីជា Apple មិនបានបំពាក់មកមុខងារសម្រាប់លុប Cache នៅលើទូរស័ព្ទយើងចោលក៏ដោយ ក៏ប៉ុន្តែប្រសិនបើអ្នកបាន Jailbreak iPhone, iPad របស់អ្នកហើយ អ្នកអាចលុបរបស់អត់បានការនេះចោលចេញពីទូរស័ព្ទអ្នកបានដោយងាយស្រួលបំផុត ដើម្បីធ្វើអោយម៉េម៉ូរីអ្នកទំនេរបានច្រើនជាងមុន។ ខាងក្រោមនេះគឺជារបៀបតម្លើង និងប្រើប្រាស់ Tweak ឈ្មោះ CacheClear ហេតុដូច្នេះហើយសូមសាកល្បងទាំងអស់គ្នា។
តម្រូវការ
- iPhone, iPad រឺ iPod touch ដំណើរការដោយប្រព័ន្ធប្រតិបត្តិការណ៍ iOS 8 ឡើងទៅ
- ឧបករណ៍របស់អ្នកបាន Jailbreak រួចរាល់
របៀបតម្លើង និងប្រើប្រាស់
- បើកកម្មវិធី Cydia > Source > Edit > ចុចលើសញ្ញាបូក > វាយពាក្យ “http://rpetri.ch/repo “ រួចហើយចុច Add
- នៅក្នុងកម្មវិធី Cydia ដដែល សូមចុចក្រឡោនស្វែងរក > វាយពាក្យ > CacheClearer រួចហើយតម្លើងវា
- ដើម្បីលុប Cache របស់កម្មវិធីណាមួយ សូមចូលទៅកាន់ Setting > General > Usage > Manager Storage > នោះអ្នកនឹងឃើញមានកម្មវិធីជាច្រើន ហើយនៅខាងចុងនៃកម្មវិធីមានបង្ហាញទំហំទិន្នន័យនៃកម្មវិធីនោះ។
- សូមជ្រើសរើសកម្មវិធិណាមួយដែលអ្នកឃើញមានទំហំទិន្នន័យច្រើន ហើយអ្នកគិតថាអត់បានការ ដែលមានដូចជាកម្មវិធី Facebook, Instagram ជាដើម ប៉ុន្តែសូមចងចាំថា កុំជ្រើសរើសកម្មវិធីដោនឡូដឯកសារនានាដូចជា Tubemate អោយសោះ ព្រោះអីឯកសាររបស់វាសុទ្ធតែជាវីដេអូដែលអ្នកបានដោនឡូដ។
- ឧទាហរណ៍ជ្រើសរើសយកកម្មវិធី Facebook ដោយចុចលើវា > ហើយចុចលើពាក្យ Clear Apps’s Cache នៅខាងក្រោម និងចាំមួយភ្លែតទៅជាការស្រេច។
- នៅកន្លងដដែលនេះ វាក៏មានពាក្យ Reset App ផងដែរ ដែលប្រើដើម្បីលុបកម្មវិធីណាមួយទៅជាថ្មីដូចទើបតែដោនឡូដមកអញ្ជឹង។
សូមបញ្ជាក់ផងដែរថា ដើម្បីមានប្រសិទ្ធខ្ពស់ និងចង់អោយទូរស័ព្ទអ្នកទំនេរអង្គផ្ទុកទិន្នន័យបានកាន់តែច្រើន សាកល្បងប្រើប្រាស់ Tweak ឈ្មោះ iCleaner Pro ព្រោះវាមានសមត្ថភាពអាចលុបឯកសារឥតបានការចេញពីទូរស័ព្ទយើងបានច្រើនណាស់ ចន្លោះពី 200mb ដល់ 1GB ឯណោះ ប៉ុន្តែមិនសូវមានសុវត្ថិភាពប៉ុន្មានទេ ប្រសិនបើជាអ្នកប្រើប្រាស់វាខុសបច្ចេកទេស។
0 comments:
Post a Comment