ReachApp ជួយចែកអេក្រង់ iPhone iPad របស់អ្នកដើម្បីបើកកម្មវិធីពីរក្នុងពេលតែមួយ
កាលពីសប្ដាហ៍មុន ខេមបូធ្លាប់បានធ្វើការបង្ហាញជូននូវ Tweak មួយដែលមានឈ្មោះថា ReachApp ដោយវាមានសមត្ថភាពខ្ពស់អាចធ្វើអោយ iPhone ឬ iPad របស់យើងអាចបើកកម្មវិធីពីរក្នុងពេលតែមួយដូចជាមុខងារ Multi-Windows របស់ Samsung ដែរ ហើយយើងអាចធ្វើការទាញពង្រីកបង្រួមកម្មវិធីទាំងពីរនេះបានទៅតាមតម្រូវការរបស់យើង។
យ៉ាងណាមិញ មានប្រិយមិត្តមួយចំនួនអាចធ្វើការតម្លើងបាន ហើយក៏មានប្រិយមិត្តមួយចំនួនទៀតមិនអាចធ្វើការតម្លើង Tweak នេះបាន ដូចនេះខេមបូសូមលើកយកវិធីលម្អិតក្នុងការតម្លើង Tweak នេះ ក៏ដូចជារបៀបប្រើប្រាស់មកបង្ហាញជូនមិត្តអ្នកអានជាថ្មីម្ដងទៀត។
តម្រូវការ
- iPhone ឬ iPad ដំណើរការដោយ iOS 8
- ឧបករណ៍របស់អ្នកត្រូវធ្វើការ Jailbreak អោយមាន Cydia ជាមុនសិន
វិធីតម្លើង
- សូមចូលទៅកាន់ Cydia រួចធ្វើការបន្ថែម Source biteyourapple ដោយចូលទៅ Source => Edit => Add => រួចបំពេញ http://repo.biteyourapple.net/ => Add Source
- បន្ទាប់ពីតម្លើង Source នេះរួច សូមចូលទៅកាន់ Search => វាយពាក្យ ReachAll រួចធ្វើការតម្លើង
- បន្ទាប់មកសូមចូលទៅកាន់ Cydia ម្ដងទៀតរួច Search => វាយពាក្យ ReachApp និងធ្វើការតម្លើង
- ក្រោយពីធ្វើការតម្លើង Tweak ទាំងពីរនេះរួចសូមអ្នកចូលទៅកាន់ Settings => ReachApp => Enabled
- បន្ទាប់មកសូមចូលទៅកាន់ Settings ដដែល => ReachAll => Enable រួចចូលទៅកាន់ Activation Methods => ធីកលើពាក្យ Triple Press (អ្នកអាចជ្រើសរើសយក Activator ផ្សេងទៀតទៅតាមចំនូលចិត្តរបស់អ្នក)
- ចុងក្រោយសូមអ្នកចូលទៅកាន់កម្មវិធីណាមួយនៅលើ Homescreen ដូចជា Safari, Facebook ជាដើម រួចចាកចេញមកវិញ ហើយចូលទៅកាន់កម្មវិធីមួយផ្សេងទៀតដូចជា App Store, Video ក៏បាន ហើយធ្វើការចុចប៊ូតុង Home ចំនួនបីដងជាប់គ្នា បន្ទាប់មកអ្នកនឹងឃើញកម្មវិធីដែលចូលអម្បាញ់មិញនៅខាងលើ ហើយអ្នកអាចជ្រើសយកកម្មវិធីណាមួយដែលអ្នកចង់អោយបង្ហាញពីរព្រមគ្នា។ ហើយអ្នកអាចពង្រីក ឬបង្រួមកម្មវិធីណាមួយអោយធំឬតូច ដោយអូសរបាតូចមួយនៅផ្នែកកណ្ដាលខាងលើនៃកម្មវិធីដែលនៅខាងក្រោម។
ខេមបូ សង្ឃឹមថាម្ដងនេះ ប្រិយមិត្តទាំងអស់នឹងអាចធ្វើការតម្លើង Tweak មួយនេះបានដោយជោគជ័យណា!
0 comments:
Post a Comment