អេសស៊ី

កម្មវិធីសម្រាប់ដោនឡូដវីដេអូ និង ឯកសារផ្សេងៗ មានច្រើន​ណាស់​សម្រាប់​លោក​អ្នក​ដែល​ប្រើ​កុំព្យូទ័រ ប៉ុន្តែ​នៅ​ថ្ងៃ​នេះ យើង​សូម​បង្ហាញ​ពី​កម្មវិធី Freemake Video Downloader ដែល​មាន​សមត្ថភាព​អាច​ដោនឡូដ​វីដេអូ​ពី Youtube, Vimeo, Vevo, Facebook, Dailymotion បាន​យ៉ាង​ឆាប់​រហ័ស និង អាច​ដោនឡូដ​វីដេអូ​ពី Youtube ជា​លក្ខណៈ Playlist បាន​ទៀតផង។ ដើម្បី​ធ្វើ​ការ​ដោនឡូដ សូម​ប្រិយមិត្ត​ចុច​ត្រង់នេះ។

បន្ទាប់ពីដោនឡូដចប់សព្វគ្រប់ហើយ លោកអ្នក​ត្រូវ​ធ្វើ​ការ​តម្លើង​កម្មវិធី​ដោយ Right Click លើ​កម្មវិធី​នោះ ដូច​បង្ហាញ​ក្នុងរូប៖

បន្ទាប់មកចុចយក Yes និង ជ្រើសរើសយក English និង​ចុច​បំពេញ​តាម​លក្ខខណ្ឌ​ជា​បន្ត​បន្ទាប់​រហូត​រង់ចាំ​ដល់​តម្លើង​ចប់​ ដូច​ខាងក្រោម៖

បន្ទាប់ពីតម្លើងចប់សព្វគ្រប់ហើយ លោកអ្នក​ចាប់​ផ្តើម​បើក​កម្មវិធី​នោះ ដោយ​នឹង​ឃើញ​ផ្ទាំង​មួយ​លេច​ឡើង​ដូចរូប៖

ពេលនោះ លោកអ្នកគ្រាន់តែ Copy នូវ Video Link រួច Paste ចូល​នៅ​ទី​នោះ អ្នក​នឹង​ឃើញ​ផ្ទាំង​មួយ​ដូច​ខាងក្រោម៖

នៅទីនេះ វាផ្តល់ជម្រើសដល់លោកអ្នក អោយជ្រើសរើសនូវប្រភេទ File ដែល​ត្រូវ​ដោនឡូដ និង ប្រាប់​ពី​ទំហំ​ផង​ដែរ ហើយ​លោក​អ្នក​អាច​ជ្រើស​រើស​ទីតាំង​សម្រាប់​រក្សា​ទុក​វីដេអូ​ទាំង​នោះ​ដោយ Browse នៅ​កន្លែង Save to ក្នុង​រូប​ខាងលើ។

ដូច្នេះ ប្រសិនបើលោកអ្នកចង់ដោនឡូដវីដេអូជាកញ្ចប់ Playlist ដូច​ខាង​លើ​នេះ គឺ​ថា Freemake Video Downloader អាច​ជួយ​អ្នកបាន។