ងាយស្រួលក្នុងការថតវីដេអូជាងមុន ជាមួយនឹង Tweak ដ៏អស្ចារ្យនេះ

Home » Phone » ងាយស្រួលក្នុងការថតវីដេអូជាងមុន ជាមួយនឹង Tweak ដ៏អស្ចារ្យនេះ

ងាយស្រួលក្នុងការថតវីដេអូជាងមុន ជាមួយនឹង Tweak ដ៏អស្ចារ្យនេះ

Posted by អេសស៊ី on 04 February 2015 Label: Phone

តើអ្នកដែលកំពុងតែប្រើប្រាស់ទូរស័ព្ទស៊េរី iPhone 5s ចុះក្រោមធ្លាប់កត់សម្គាល់ឃើញពីចំណុចខ្សោយរបស់កាមេរ៉ា iPhone ពេលថតរូបភាពទេ? ជាក់ស្តែងទូរស័ព្ទស៊េរីចាស់ៗទាំងនេះ មិនអាចធ្វើការចាប់ទីតាំងអ្វីមួយបានដោយស្វ័យប្រវត្តិ (Auto Focus) នោះទេនៅពេលដែលយើងថតវីដេអូ ដែលនេះគឺជាផលវិបាកមួយតម្រូវអោយយើងនៅចាំចុចបញ្ជាចំណុចត្រូវ ចាប់ប្លង់យក ( Focus)។ វាខុសពី iPhone 6 និង iPhone 6 Plus ដោយក្រុមហ៊ុន Apple បានបំពាក់មុខងារ Auto Focus ពេលថតវីដេអូ ដោយធ្វើអោយអ្នកប្រើប្រាស់មានភាពងាយស្រួល មិនចាំបាច់អង្គុយចុចចំណុចត្រូវ Focus នោះទេ ធ្វើអោយវីដេអូទាំងមូលមានពន្លឺគ្រប់គ្រាន់ និងច្បាស់ល្អ មិនព្រៀលដូចស៊េរី iPhone ចាស់ៗនោះទេ។

ចូរកុំតូចចិត្តអី សម្រាប់អ្នកដែលប្រើប្រាស់ទូរស័ព្ទ iPhone ដែលស៊េរីទាបជាង iPhone 6, 6 Plus ព្រោះអី Tweak ដ៏អស្ចារ្យមួយឈ្មោះថា AFVideo អាចជួយអោយកម្មវិធីផ្តិតយកវីដេអូអ្នកមានសមត្ថភាពអាចចាប់យក វីដេអូបានជាលក្ខណៈ Auto Focus បាន ដើម្បីធានាថាវីដេអូមានគុណភាពខ្ពស់ ច្បាស់ល្អ និងចាប់ត្រូវទីតាំង។ បន្ទាប់ពីតម្លើង Tweak នេះហើយ វានឹងចាប់ផ្តើមដំណើរការដោយស្វ័យប្រវត្តិតែម្តង មិនចាំបាច់បើកដំណើរការ និងធ្វើការកែច្នៃអ្វីផ្សេងច្រើននោះទេ។ វាពិតជាមានអត្ថប្រយោជន៍ខ្ពស់ខ្លាំងណាស់ សម្រាប់អ្នកឧស្សាហ៍ផ្តិតយកវីដេអូផ្សេងៗដែលស្ថិតនៅជុំវិញខ្លួន អ្នក ព្រោះអីវាអាចអោយយើងដាក់ថតវីដេអូចោល ហើយវានឹងធ្វើការចាប់យកទីតាំងនានាបានដោយស្វ័យប្រវត្តិតែម្តង។

តម្រូវការ

iPhone 3Gs, 4, 4s, 5, 5c និង 5s
ប្រព័ន្ធប្រតិបត្តិការណ៍ចាប់ពី iOS 5 ដល់ iOS 8
ឧបករណ៍របស់អ្នកបាន Jailbreak រួចរាល់

របៀបតម្លើង និងប្រើប្រាស់

បើកកម្មវិធី Cydia > ចុចក្រឡោនស្វែងរក > វាយពាក្យ “ AFVideo “ រួចហើយតម្លើងវា។
ប្រសិនបើអ្នករកមិនឃើញទេ សូមចុច Change > Refresh ហើយចាំមួយភ្លែត រឺបន្ថែម Source Bigboss ដោយចុចក្រឡោន Cydia ដែលស្ថិតនៅជួរខាងក្រោម > More Packages > ចុចលើ Biggboss ហើយ Add។
បន្ទាប់ពីបានតម្លើងបានជោគជ័យហើយ សូមបើកកម្មវិធីកាមេរ៉ា រួចហើយសាកល្បងចុចថតវីដេអូទៅ នោះអ្នកទាំងអស់គ្នានឹងសង្កេតឃើញមានភាពផ្លាស់ប្តូរជាក់ជាមិន ខាន។

ដើម្បីសង្កេតឃើញពីភាពខុសគ្នាក្នុងការថតវីដេអូរវាង មុន និងក្រោយតម្លើង Tweak នេះ អ្នកទាំងអស់គ្នាគួរតែសាកល្បងថតវីដេអូចំនួនពីរផ្សេងគ្នា ហើយព្យាយាមធ្វើការថតវត្ថុនានាដោយកុំប៉ះអេក្រង់ដើម្បី Focus អោយសោះ។ នេះគឺជា Tweak ដ៏សាមញ្ញមួយ ប៉ុន្តែវាមានអត្ថប្រយោជន៍ខ្ពស់ណាស់ ដែលអ្នកទាំងអស់គ្នាគួរតែមានតម្លើងកុំបីខានឡើយ។

អេសស៊ី