វិធីរាប់អាយុរាប់ដោយប្រើម្រាមដៃ
ប្រហែលជាមនុស្សមួយចំនួនមិនដែលឮ ឬដឹងពីវិធីរាប់អាយុដោយប្រើម្រាមដៃនោះ។ ខ្មែរយើងសម័យដើម និងមានចាស់ក្មេងសម័យនេះមួយចំនួននៅចេះវិធីនេះ ពោលគឺនៅមានគ្រូហោរាទស្សន៍ទាយ ក៏ដូចជាព្រឹទ្ធាចារ្យមួយចំនួននៅរក្សារហូតមកដល់សព្វថ្ងៃ។ វិធីរាប់នេះគឺគេប្រើឆ្នាំទាំង១២នៅក្នុងតម្រាសាស្ត្រខ្មែរយើង។ ប្រិយមិត្តទាំងអស់គ្នាអាចសាកល្បងរៀនរាប់បាន បន្ទាប់ពីបានអាននូវអត្ថបទនេះ។ នៅចាំអីទៀត តោះចាប់ផ្តើមអាន ហើយអនុវត្តសាកមើល៎!
ទីតាំងឆ្នាំ៖ គេចាប់ផ្តើមដំបូងពីទីតាំងនៃឆ្នាំទាំង១២ ដោយរាប់ចាប់ពីគល់កូនដៃទៅ។ សូមមើលរូបខាងក្រោម៖
ខ្ទង់នៃអាយុ៖ ចំពោះខ្ទង់នៃអាយុ គេរាប់ចាប់ពីគល់ដៃចង្អុលទៅ ដោយរំលងមួយថ្នាំងដៃម្ដង ពោលគឺរាប់ចាប់ពី១០ ២០ ៣០…។ សូមមើលរូបខាងក្រោម៖
របៀបរាប់អាយុ៖ ដើម្បីរាប់ចាប់ពីទីតាំងនៃខ្ទង់ឆ្នាំរបស់យើងរហូតដល់ទីតាំងនៃឆ្នាំរបស់កំណើតរបស់យើង គឺរាប់បញ្ច្រាសពីការរាប់ឆ្នាំទាំង១២។ ឧទាហរណ៍ លោកអ្នកកើតនៅឆ្នាំវក ហើយមានអាយុនៅខ្ទង់ដប់ គឺយើងចាប់រាប់ពីគល់ដៃចង្អុលបញ្ច្រាសពីការរាប់ឆ្នាំទាំង១២ ដោយចាប់រាប់ពី១០ ១១ ១២ ១៣…រហូតដល់១៧ ពោលគឺដល់ត្រង់ទីតាំងនៃឆ្នាំវក។ ដូចនេះអ្នកមានអាយុ១៧ឆ្នាំ។ ដើម្បីឲ្យច្បាស់ សូមមើលរូបខាងក្រោម៖
ចំណាំ៖ ចំពោះការរាប់តាមការដកឆ្នាំតាមសូរ្យគតិ ខុសពីវិធីរាប់នេះមួយឆ្នាំ។ ឧទាហរណ៍ បើយើងរាប់តាមវិធីនេះឃើញ១៧ឆ្នាំ តែបើយើងរាប់តាមដកឆ្នាំសូរ្យគតិវិញឃើញ១៨ឆ្នាំ។ ប៉ុន្តែបើយើងគិតទៅ ការរាប់តាមតម្រាសាស្ត្រឆ្នាំទាំង១២ មានលក្ខណៈជាក់លាក់ជាង៕ (ប្រភព៖ pisethforever.wordpress.com)
0 comments:
Post a Comment