ដោនឡូដវីដេអូពី YouTube បានយ៉ាងរហ័ស ជាមួយកម្មវិធីកុំព្យូទ័រ Freemake Video Downloader
សម្រាប់ការដោនឡូដវីដេអូពី Youtube នៅលើកុំព្យូទ័រ របស់លោកអ្នក មានកម្មវិធី ជាច្រើន ដែលបងប្អូនអាច តម្លើងប្រើប្រាស់បាន ហើយ ភាគច្រើននៃ អ្នកប្រើប្រាស់ កុំព្យូទ័រ ស្គាល់ IDM ច្បាស់ជាងគេ ព្រោះ វាមិនគ្រាន់តែដោនឡូដ វីដេអូតែមួយមុខនោះទេ ឯកសារផ្សេងៗ ក៏អាចដោនឡូដ បានផងដែរ។ នៅថ្ងៃនេះ ខេមបូរីផត សូមធ្វើការ បង្ហាញពីកម្មវិធី ដោនឡូដវីដេអូពី Youtube មួយឈ្មោះថា Freemake Video Downloader ដែលមាន លក្ខណៈរហ័ស និង ងាយស្រួលប្រើ ហើយជាពិសេសនោះ អាចដោនឡូដបានម្តងច្រើន វីដេអូទៀតផង។
ជាជំហ៊ានដំបូង ប្រិយមិត្តត្រូវ ចូលទៅកាន់ គេហទំព័រ freemake ដោយផ្ទាល់ ដើម្បីធ្វើការដោនឡូដ ឬក៏អាច ចុចត្រង់នេះ ដើម្បីដោនឡូដ បានដោយឥតគិតថ្លៃ។
ក្រោយពេលដោនឡូដ ចប់សព្វគ្រប់ហើយ បងប្អូនត្រូវ ចាប់ផ្តើមធ្វើការ តម្លើងដោយចុច Mouse ស្តាំលើកម្មវិធីនោះ រួចជ្រើសរើស យកពាក្យថា Open ឬ Run As Administrator រួចអនុវត្តការចុច Next ជាបន្តបន្ទាប់ រហូតដល់ ចេញពាក្យថា Finish។
ការតម្លើងបាន ចប់សព្វគ្រប់ហើយ បងប្អូនត្រូវបើកកម្មវិធី នោះឡើង ពេលនោះនឹង ឃើញផ្ទាំង កម្មវិធីទទេស្អាត ដូចរូប។ 
មកដល់ទីនេះ បងប្អូនត្រូវ Copy Link នៃវីដេអូណាមួយ ដែលបងប្អូន ចង់ធ្វើការដោនឡូដ រួចចុចលើ Paste URL។ សូមមើលរូប។ 
បន្ទាប់ពីចុចលើ Paste URL រួចហើយ វានឹងបង្ហាញផ្ទាំងមួយ អោយលោកអ្នក ជ្រើសរើសទំហំឬ កម្រិតវីដេអូ និង ទីតាំងផ្ទុកវីដេអូ នោះផងដែរ ហើយ ជាចុងក្រោយ សូមចុចលើពាក្យថា Download ជាការស្រេច។
គួរបញ្ជាក់ផងដែរថា ជាមួយកម្មវិធី មួយនេះ លោកអ្នកក៏អាច ដោនឡូដជាកញ្ចប់ Playlist ក៏បានដែរ(ដោនឡូដម្តងអាចបានច្រើនវីដេអូ) គ្រាន់តែ Copy Link នៃ Playlist នោះជាការស្រេចទៅហើយ។
0 comments:
Post a Comment